HLAWNCHHING ȚAH HLA - 14

HLAWNCHHING ȚAH HLA - 14

                         THLIRTU

                                                HC Lalramdina

Thlirtu nih reng mai zawng;
A nawm dân a va hahthlâk si êm!!!

                         HLAWNCHHING

HLAWNCHHING QUOTE - 18

HLAWNCHHING QUOTE - 18

                              HNUTÊ

                                                HC Lalramdina

       

'Zûk leh hmuam' zînga ka duh ber chu 'HNUTÊ' hi a ni

                         HLAWNCHHING

HLAWNCHHING QUOTE - 17

HLAWNCHHING QUOTE - 17

KAN HMANGAIHTE vs MIN HMANGAIHTU

                                                HC Lalramdina

An nun siam țhat kan tumte hi kan hmangaihte an ni țhîn a

Kan beidawn êm êm laia kan hriatchhuah te hi min hmangaihtu nia kan hriatte an ni țhîn

                         HLAWNCHHING

HLAWNCHHING ȚAH HLA - 13

HLAWNCHHING ȚAH HLA - 13

KA CHAN TÂWK - 'LUKHAM' CHAUH MAI MAW?

                                                HC Lalramdina

          "Kan rûn riangtêah hian, ka hrai bûng dâwntuai chawnbânah kaiin, "Hraite, kal chhet chhet..., A B C D E F G..., Lu, koki, khûp leh ke..." te han ti mai se aw.. An va hmuhnawm nufa dâwn tak êm!...," tia tu emaw mitthla chunga duhthu sâm chung zêlin, zan tin lâwm taka min dawngsawng țhîntu ka neihchhun, ka khum tlâwm tak mai chu ka pan leh ta ruak ruak mai!

          Ka blanket neihchhun chu ka khum mawngah nawr tawm in, ka lukham, ka sama ka thih țhin 'Tel hel' rim nam rum rum tawh chu, neihchhun pawma pawmin ka mu tawm leh ta kûk mai chu a nia! Chan tâwk a têin a va zângkhai ngai êm!!!

                         HLAWNCHHING

HLAWNCHHING QUOTE - 16

HLAWNCHHING QUOTE - 16

CHHÛNGKUA DINPUI TÛRA SÂWMNA

                                                HC Lalramdina

          Thilsiam dang tam berte chu an pian ațanga reilotêah an tla hrang thei mai a. Thilsiam zînga ropui ber, Mihringte kan inchâwitlei chhûng a rei êm êm dân ațang hian, chhûngkuaa awm tam tûra tih kan ni tih a tichiang viau mai. Hêng ațang hian Pathianin chhûngkua a ngaih pawimawhzia chu a hriat a ni.

          Heti khawpa Pathianin a ngaih pawimawh chhûngkaw din hi Bawihtê, nang leh kei pawh hian kan ngai pawimawh ve dâwn lâw'm ni???

                         HLAWNCHHING

HLAWNCHHING LUNGLÊNG HLA - 1

HLAWNCHHING LUNGLÊNG HLA - 1

                    ZÂN REI LUNGLÊN

                                                HC Lalramdina

Zân a rei leh ta e
I belhlai thlehnêm puan kha
Kei, ka tân hian thîk tham a tling a sin
Duh takin i pawm bîk țhîn si a

Zân a rei leh ta e
Zanlai thlifîmte chu biain
I duhawmzia ka hrilh a sin
I lâwina vângkhua a paltlang țhîn si a

He zân khawharthlâk tak hian
I tel lova nun khawharthlâk zia min hriattîr a
Chhûn lama mi hlim thei ber pawh hi
Zân lamah chuan mittui nên ka inâwi mu fo țhîn

                         HLAWNCHHING