INVEN DAN (HMEICHIATE TAN)

1. Mi, tuin emaw nangmaha i awm laia inchhungah rawn beih che emaw, rikrap leh khuaikhem, pawngsual tum anga a lan chuan choka lamah tlan vat a him ber a, chokaah chuan chemte, hmarcha leh thil dang hmanrua emergency-a inven nan a kim ber a ni. Heng hmanruate hi a awmna nang aia hrechiang an awm dawn lo a, emergency-ah chuan choka hmanrua hian hna tangkai tak an thawk thei tih hria ang che.

2. Chemte leh hmanraw dang i hmu mai lo anih pawhin zam mai lo la, choka bungrua plate leh chawhtawlh, thildang bengchheng thei chi tin vawm darh la, thawm nei bawk la, misual tan chuan bengchheng siam hi thil hlauhawm ber pakhat a ni tih theihnghilh suh.

3. Zan rei lamah nangmah chauha eng emaw avangin Taxi/auto hman i ngai a ni thei e. I chuan luh hmain i phone phawrh la, i chhungte emaw, i kalna turte emaw biain driver hriatthiam leh hriat ve ngei turin a motor number hrilh ang che. Tichuan, eng emaw i chungah a thleng anih hlau bertu chu driver a ni tawh ang a, him takin a hruai mai dawn che a ni. Topup i lo nei remchang lo anih pawhin sawi tâk ang khan i chhungte nen inbia ang talin awm ang che.

4. Driver tuin emaw i tum loh lam leh i him lohna tur lamah a hruai che a ni tih i hriat chian chuan i purse emaw i shawl emaw phawrh la, a nghawngah batin hnunglamah pawh chhoh tum ang che, heng hi i lo nei remchang lo anih pawhin driver kawr ngawngah man la, hnung lamah pawh chhoh tum tur a ni. Hei hian driver chu motor tiding lo thei lovin a siam dawn a, a nghawnga i pawhna avang khan reilote ah choked-in emaw a awm ang a, him takin i tlanchhiat san mai dawn a ni. Zuan thlak hi a him lo tih hria la, tin driver bul front seat-ah thut loh a tha hle bawk tih hriat a, a hnungah chet awlsam nan thut hram hram tur a ni.

5. Zan reiah mi tuin emaw a zui ru che a ni thei e, a hmasa berin dawr inhawng a lo awm chuan luh vata thil awmdan chiang taka hrilh tur a ni. Vanduai thlak taka dawr inhawng a lo awm lo a nih chuan ATM hnai ber pana luh vat tur a ni. ATM-ah chuan Close Circuit Telivision (CCTV) a awm deuh vek a, misual chuan a rawn umzui ngam kher lo ang che. Tichuan tanpuina thlamuang takin i zawng thei dawn a ni.

(Source - LAWRKHAWM)

                  HLAWNCHHING