KUR DIAM DIAM

KUR DIAM DIAM (Poetry)

                                     HC Lalramdina

Chhim tual nuamah khian Hawilopâr a vul
To lo vâl lunglên tizual tûr an maw
Dârang intawn nân kâr a hla lua e
I ngai hian e chhâwlang ka uai zo ta

Chungmu ianga thlâwkin lêng thiam ila
Ka chuan ngei ang in rûnin leh sumtual
Suihlung muangtea i par zu tlânin
I tâng bêlin ni rei ka châm tûr a

Nang lo ka duh zalêng dang an awm lo
Kan rûnah khâmrâng khuai ang lo lawi la
Angel, chhâmang zâl lai i rêl dûn ang
Chutin ka bâng ngei ang suihlunglên hi

Riakmaw va lêngin zankhua lo tlaia
Kâi nân thing tin tânglai a dil iangin
Sên nau ang nawrh ka nuam e chûn tâwnah
Hawilopâr vullai ka tân thliah ngênin

Hrâm thiam Rêng Kulva biahzâi nêm chuanin
Sâwm vêl e Zârva lêng chiar nghianpui an
Suihlung rualtêa kan lêndun ve nân
Angel, ka sâwm phâkin lo kûr diam diam

(Dedicated to - Angel-i)

BLANK VERSE :- Rhyme tel lova hlahril phuah ho hi 'Blank Verse' tiin an sawi thin.

                    HLAWNCHHING