SUIHLUNGLÊN A THAR

SUIHLUNGLÊN A THAR (Poetry)

                                                HC Lalramdina

Vawiin chu ka suihlunglên a thar ngei
Țuan țûl vânga chhîngkhual vângkhua bêlin
Țuan ka rêl e di hlui vângkhaw tualah
Thinlai mu hnu lunglên a kaitho e

Mahte'n ka rawn fang leh, kan sûl hmun hlui
Rianghlei hluan mi țahtir suihlung a lêng
Nunhlui liam hnu thinlaiah thar leh e
Hmâna rualdi ngaih ka bâng thei mawlh lo

Ni rei châm ka zuam lo, khual khaw zâwlah
Chhîngkhual di hluiin ka lung min lên e
Țhuam ang ka do zo lo, chhûn ni a rei
Nau ang țahna zankhua hrui ang sei si

Hlen loh tiamthu zawngte ka dâwnkîr a
Mahte'n suihlunglên tuar a har ngei e
Khuahmun loh di neih zawng a pawi mang e
Biahthu thlun sa Rial ang ral zo ta si

                         HLAWNCHHING