PAN CARD

          Permanent Account Number (PAN) Card hi India rama kan la awm chhûng chuan a pawimawhna a nasa tulh tulh dâwn niin a lang. A hming ang hian validity a nei lova, renew pawh a ngai lo.

          PAN Card chu Income Tax department in a buapui leh a pêk a ni. A pawimawhna tlêm ka han tarlang ang e.

1. Heng bank hrang hrang public/private/co-operative leh bank dangah hian account thar hawng tûr tân hmun thenkhatah chuan an demand tawh.

2. Credit or Debit card dilna atân PAN card neih ngei ngei a ngai. I neih loh chuan dil buai duh suh, i dilna kha enga mah hmain hnâwl a ni ang.

3. Life insurance pawimawhna kan hre thum tawh ngei ang. CBDT (Central Board of Direct Taxes) thuchhuah angin Rs. 50,000/- aia Insurance premium a tam chuan PAN card neih ngei ngei a ngai.

4. Rs. 5,00,000 aia to lirthei lei leh hralh dawnin a ngai.

5. Immovable asset (khawih chêt theih loh thil hlu) lei leh hralh dâwnin a ngai a, nei lo tân lei leh hralh awih a ni lo. Lei leh hralh tûr kha intâwm (joint) a nih pawhin a intâwmtute khän PAN card an neih theuh a ngai.

6. Rs.5,00,000 aia tam lunghlû leh tlereuh (jewellery) lei tûr tân a ngai.

7. Rs. 50,000 aia tam fixed deposit leh cash deposit ti tûr tân a ngai bawk a. PAN card neih loh chuan deposit atang TDS (Tax Deduction at Source) 20% cut emaw, a pungin Rs. 10,000/- emaw a tlin chuan a tam zâwk zâwk atanga 10% a tam cut tûr a ni.

8. Terrorism vênna leh khuahkhirhna atân India sawrkar chuan telephone connection thar (normal or cellular connection) atân PAN card neih a ngai a ti tawh.

9. Mahniin Stock Market / Money Market lama investment ti tûr emaw broker kaltlanga ti tûr tân emaw pawh PAN card neih ngei ngei a ngai.

10. Mimal, Firm, Society, Trust etc ten Tax Return an file dâwnin PAN Card neih ngei ngei a ngai.

11. NRI in PAN card a neih chuan awlsam takin India ramah thil lei leh hralh bâkah business awlsam takin a ti thei.

12. Airport, Hotel, Government Premises tec ah identity proof ah a tangkai hlê bawk.

13. Private registered company-a thawk tân PAN card a ngai, nei lo tân hlawh a lâk theih loh.

          Sawi tûr a la tam mai, Mizote tân bîk inhriattir ngai tak a ni. Vai ram dawr lian thenkhatah pawh transaction lian deuhah chuan PAN card a ngai zêl tawh mai. PAN Card tibo te chuan a hlui kha reprint a dil theih a, PAN number kha i hman tawh chuan chu chu duhthusâm a ni. I la hman loh chuan a thar dil mai pawh a theih tho.

HLAWNCHHING

KAN LO HIM ZAWK NAN

LIRNGHING

ENGTIN NGE LIRNGHING AH I HIM ANG?

1. Dawhkan, Khum, Motor hnuaiah te lut suh. Hetiang hnuaia himna zawngte hi chunglam atanga Building chim rihna chuan a delh pêr vek thin.

2. Nausên mut dan, a tê thei ang berin tawm la, khum/sofa/dawhkan sirah mu mai rawh. A tawm tê thei ang bera mut hi Natural Safety Instinct a ni. Ceiling vel alo tla anih pawhin Sofa etc. khan a sirah hmun âwl a siam a, chu hmun chu i himna hmun tur a ni.

3. Thinga sak IN hi Lirnghing ah chuan a him ber. A rit lova, concrete slab chim rit si min delhtu tur a awm tlêm a. Thing hian Concrete aiin flexibility a nei tha a. A chim karah pawh hmun âwl a nei tam bik.

4. I mut laia lir alo nghin chuan khum atang khan khum sir chhuatah let thla tawp la, a tê thei ang bera tawmin mu rawh. Khum chuan chunglam atanga delhtu tur lakah hmun âwl a pe ang che.

5. Hmun him pan tura i chhuak hman lo anih chuan Sofa/Dawhkan or thil sakhat sirah, âwl awm theihna turah nausên mu angin mu ang che.

6. Kawngkapui/Tukverh bulah awm loh tur. Kawngka keh leh glass keh a hlauhawm.

7. Stair atanga chhuah tum suh. Lirnghingah stair hi building aiin a insawi/thên dan a hlauhawm a, stair a step (metal) kha blade hriam tak ang a ni thei.

8. Concrete bang hnaihah awm suh. A tha ber chu pawn ah, hmun âwl zauvah awm tur.

9. Motor khalh/chuan lai anih chuan din vat a, motor sirah bawh tur. I motor khan chunglam atanga delhtu lakah hmun âwl ft. 3 vel tal a siam dawn a ni.

10. Paper dahkhawm ang hi thil ritin a delh pawhin a pêr ve mai tawh lo. Paper dahkhawm sirah hmun him a awm thei.

(Source :- Doug Copp, Rescue Chief & Disaster Manager of the American Rescue Team International (ARTI) -a Article, 'Triangle of Life' tih atanga lâk tâwi a ni.

          Copp hian ram 60 zet ah chhanchhuah hna thawkin Lirnghing sâwi chhiat In (Building) sawp 875 zet hnuaiah alo vâk lût tawh a ni.)

DAM LEH HRISELNA

DOCTOR LAMPANG

1. Psychiatrist - Rilru lampang

2. Podiatrist - Ke lampang

3. Optometrist - Mit lampang

4. Dentist - Ha lampang

5. Urologist - Phing (Bladder) lampang

6. Obstetrician - Fa neih leh rai lampang

7. Pediatrician - Naupang lampang

8. Oncologist - Cancer lampang

9. Neurologist - Thluak leh nerve lampang

10. Cardiologist - Lung lampang

11. Nephrologist - Kal lampang

12. Rheumatologist - Ruh chuktuah leh tha lampang

13. Dermatologist - Vun lampang

14. Endocrinologist - Hrawk, Thalbe lampang

15. Gastrologist - Chaw kawng leh pumpui lampang

THISEN SANG

THISEN SANG AWMTIR THEI TU

          Thisen tisang theitu hi chi hnihah then a ni a, chungte chu :-

1. TIHDANGLAM THEIH LOH

1) Kum alo upatin BP chu alo sang ve mai thin.

2)  Inthlahchhawn.

2. TIHDANGLAM THEIH

1) Thau lutuk (Obesity)

2) Chi ei tam lutuk (High Salt intake)

3) Thau ei hnem lutuk (Saturated Fats)

4) Zu in tam lutuk (High alcohol intake)

5) Mei zuk.

THISEN SANG LO LANCHHUAH DAN

1)) Lu na an nei a, zingah chal bawr vel hi a na deuh ngut ngut thin.

2) An chau ngawih ngawih thin.

3) An zawi em em bawk thin.

4) Hnara thisen zam te thisen kal chak lutuk vangin an lo thler a, hnar alo thi vak thin a ni.

5) An awm te a lo na thin.

6) An thaw te a lo hah a, a chham bawk thin.

7) An khawhmuh alo fiah lova, mitdelna hial a thlen theih thin.

8) Kal (Kidney) a khawih tel chuan zanah zun an cheh a, zun an lo ngah a, a chang phei chuan an zun alo thi hial thin.

9) Thluak lam a khawih chuan thluakin a mamawh ang tawk thisen a hmu lova, taksa peng thenkhat te alo zeng phah hial thin a ni. An khawhmuh te a lo fiah lovin an tawng te a tibuai a, nikhaw hre lovin an let der thin.

THISEN SANG LAKA INVEN DAN

1) I taksa rih zawng chu a tawk chiah a ni tur a ni. (Kum leh san zawng phu tawk).

2) Chi ei insum a pawimawh hle.

3) Zu in loh a tha.

4) Zial leh sahdah rawng kai reng reng tih miah loh a tha.

5) Exer lak thin a pawimawh hle. Nitin emaw regular taka lak a tha. Phur chang changa tih ngek hi chu a that tho laiin a tangkai zual lem lo.

THISEN SANG ENKAWL DAN

1) A chunga point 5 kan sawi takte khi zawm a pawimawh hle.

2) ANTI HYPERTENSIVE DRUGS

          Damdawi reng reng hian thisen sang a tidam thei lova, a thunun (control) mai chauh a ni. Chuvangin damdawi ei hnua BP alo ziaawm tak viau pawn damdawi chu ei chhunzawm zel tur a ni a, damchhunga ei a ngai tlangpui thin.

(Source - Hriselna Huang).

HEPATITIS

- Dr. Zoramthanga. M.D (Medicine).

HEPATITIS / THIN VUNG

          Thin hi taksa peng zinga a pawimawh ber pakhat a ni. Hna chi hrang hrang a thawh tlangpuite chu :- Kan chaw ei zawng zawng te hi thinah a lut chho vek a, taksa tana hman tlak turin alo sawngbawl a ni. Glucose te, thau-cholesterol, triglyceride te, sa (protein) te leh vitamin te a chhekin a sem kual vel a ni. Taksaa bawlhhlawh tam tak mît (bile) -ah a paih chhuak a, damdawi tam takte hi thawk thei turin alo siam danglam a, tin, an thawh tur an thawh zawhah a paih chhuak leh a ni. Thisen tikhal tu hi thin siam a ni a, thin chak lo te hi an thisen a pan a, an thi duh bik a ni. Albumin te siamin a siam tlem chuan vung te a thlen thei a ni. Tin, taksa in hrik a do naah thui tak a thawk bawk a ni. Hepatitis hi thin vung tihna a ni. Chhan tam tak a nei a. Natna hrik - virus, bacteria, protozoa te, damdawi chi hrang hrang - antibiotic, na chhawkna, hnimhlum, cancer damdawi etc ten thin vung an thlen thei.

A tlangpui te chu :- Hepatitis A, B, C, D, E, G, cmv, eb virus, TB hrik, Amoeba/Santen hrik/Malaria, Drugs - na chhawkna - Acetaminophen, Brufen - Antibiotics - Tetracycline, Rifampicin, Hnimhlum leh a dang - Pa (mushroom) thenkhat te a ni.

         Hepatitis hi acute leh chronic in an then leh a. Acute awmzia chu, rawn awm thut - rei vak lova dam leh mai. Chronic chu benvawn tihna a ni.

ACUTE HEPATITIS :- Kan sawi tawh angin acute hepatitis chu rawn awm thut kan tih kha. -- Khua a sik ser ser a, an chau ngawih ngawih a, thin zawn a nâ a, luak a chhuak a, chaw ei a tui lova, mit a liam a (jaundice). A tlang puiin kar 2 velah an dam leh mai thin.

CHRONIC HEPATITIS :- Acute hepatitis dam zo ve ta lo ho hi an benvawn ta thin a ni. Thin vung an lo neih benvawn hian, zawi zawiin a cell (timur) te kha a tichhia a, insiam tha leh teh mahse ngai a awh tawh thin lo a ni. Thin vung hian ser a siam a, a rei tawlh tawlh a, ser a tam tawlh tawlh a, heng ser te hian thin lo pawt sawngin cirrhosis (thin sawng) alo thlen ta thin a ni. Hetih hunah hi chuan thin alo chak lo hle tawh a, a veite chu hetiangin an awm tlangpui. – An zawiin an chak lo hle. An vung/pum puar. Thi a put awl, hnar thi, thi a luak, ek dum etc. Mit liam, eng pip pep/ thisen tlem. Rilru te khawih buaiin nikhaw hre lo (coma) te pawhin an awm thei. Piles leh Oesophageal varix (pumpui hnuna thisen dawt puar) te an nei thin. Mitliam kan tih mai Viral Hepatitis ‘A’ hi, thil thianghlim lo ei vanga thleng a ni a. Mit a lo eng a, an zawi hle a, mahse a tlangpuiin kar hnih velah an dam leh mai. Zu in nghek te pawh hian Acute Hepatitis a thlen thin. Miin zu a in reng chuan Chronic Hepatitis a thlen thin a ni.

        Mizoramah hian heng hepatittis kan sawi tak zingah hian hepatitis benvawn pathum kan buaipui zual a, chung te chu :- Alcoholic Hepatitis (zu), Chronic Hepatitis B leh Chronic Hepatitis C te an ni. Heng veite hian thin cancer an nei duh bik a ni.

          Tun tumah hi chuan Hepatitis B leh C te hi han chhui zau deuh ila. Hepatitis B leh C te hi virus an ni a, natna an thlen dan a inan tlangpui avangin kan han sawi kawp mai ang a, an in an lohna te a tul angin kan han tarlang ang.

Inkai dan :- Virus ve tho, HIV (AIDS natna hrik) te nen hian inkai dan a inang tlang pui ie. inchiu, sex, thisen inpek, nuin nau paiah etc. Amaherawhchu, kai awlsam dan a inang lo. Hriau in vih palh tein inkai a awl em em a, Hepatitis C te hi chu sex lam atangin kai a awl lutuk lo.

Natna thlen dan :- Hepatitis B or C miin a veiin Acute Hepatitis (mitliam kan tihna) an vei phawt a, hei hi Hepatitis A te angin a na lutuk lova. Hepatitis C leh B vei tam tak chuan an vei lai pawh hre lovin an benvawn, thin sawn (cirrhosis) hnuah chauh te an in hre thin. Heng ho ah hi chuan acute hepatitis kha a na lo lutuka an in hre lo a ni. Acute Hepatitis hi chu kar hnih velah a dam leh mai a, mahse dam zo ve ta lo, a hrik pai benvawn an lo awm thei ta a.

Hepatitis B :- Puitlingah chuan 95 % aia tam an dam leh a, 5% aia tlem an benvawn thin. Nausen ah chuan 5% a dam leh a, 95% vel an benvawn. Naupang kum 4 velah 40% vel an benvawn. A awmzia chu, naupangah a benvawn duh bik.

Hepatitis C :- ah chuan 20-30% vel an dam leh a, 70-80% vel an ben vawn ta thin a ni. Benvawn kan tih hian, thla ruk chhunga dam hman ve ta lote kha an ni. Hetia Chronic (benvawn) Hepatitis B or C an lo vei tak hian an hma lam hun chu a hrik leh mihring taksa inbeih danah a innghat ta a ni. Hrik ninhlei tak anih chuan thin a khawih chhe chak a, hrik ninhlei lo anih chuan muang changin. Tin, taksain a hrik alo beih danah te a innghat bawk. A tlangpuiin kum 20-30 ah 30% velah chuan an thin alo sawng chhe hman thin a ni. Hei aia hma deuh a ni thei a. Tin, rei tak thin khawih chhe lovin an awm thin bawk. Zu nen an pawi khawih dan a inang a, chuvangin zu nen chuan cirrhosis hi a thleng hma hle a ni. Kan sawi tawh angin kum 20-30 vel thin sawng turin a duh a, hemi chhung hian tam tak chuan an vei tih an inhre lo thin a ni. A tam zawk chu thin sawng in buaina a thlen hunah chauh an in hre chhuak thin a ni. Hetih hunah hi chuan a tlai tawh deuh a, enkawl an harsa thin a ni. A then, a bik takin Hepatitis B te chu Jaundice te an nei zeuh zeuh a, chung atang te chuan an lo hriat theih a ni. Mizorama kan hriat chhuah hma te pawh hi thil dang vanga test emaw, in test ve tawp te an ni hlawm.

ENKAWL DAN

Hepatitis B :- Hepatitis B hi a dam har a, damdawi a kan enkawl hian, kan tum ber pakhat chu, a hrik pawi sawi lova siam hi a ni. i.e currhosis emaw thin cancer a thlen loh nan. Enkawl nan hian a chiu chi, Interferon leh a mum chi hrang hrang a awm. Heng damdawi te hi thla ruk atanga kum 2 emaw, a aia rei te pek an ngai a ni.

Hepatitis C :- Hepatitis C enkawl hi chu Hepatitis B lakah chuan enkawl a nuam hle a ni. Mi 70-80% vel an dam thin a ni. Mahse cirrhosis te a thlen tawh chuan a dam har a ni. Hepatitis C enkawl nan hian Interferon chiu chi leh tablet ribavarin pek dun a ni a, 6-12 months pek thin an ni. A hrik Genotype 2 leh 3 hi thla ruk chhung enkawl an ni tlangpui a, tin, a dang Genotype 1,4,5,6 te hi kum khat enkawl thin an ni. Tin, genotype 2 leh 3 te pawh hi an nat dan a zirin thla 6 aia tam te pawh enkawl an ngai thei. (genotype= hepatitis C rau rau ah chi hrang paruk a awm a, an dam har dan leh pawi khawih dan te a in ang lo.) Hepatitis C enkawl hian ‘relapse’ kan ti a, chu chu dam tawha ngaihah a awm nawn leh thei a ni. Heng awm nawn lehah hian a hma aia rei enkawlin tam tak chu an dam leh thei a ni. Amaherawhchu, then khat chu interferon/ribavarin in a tih dam theih loh an awm ve bawk. Kan hriat tur pawimawh deuh chu Anti HCV - kan test hian, a hrik a en lova, a hrik dotu sipai (antibody) a en a ni. Heng test hi Aizawl a awlsam taka kan test na hi a ni. Heng Anti HCV test positive ho hi, an thisenah Hepatitis C hrik awm leh awm loh phaiah kan thawn ta thina ni. Enkawl dam tawh hnuah pawh Anti HCV hi rei tak a positive theih avangin interferon la tawhah chuan he test hian awmzia a nei lo. Enkawl dam tawh then khat ten mahni thuin an lo test ve a, a lo positive leh a, an ngaih a tha lo ta thin a ni. A hrik test na a ni lova, a hrik dotu sipai test na a ni.

ENKAWLNA

          Hepatitis C Interferon a enkawl zawng zawng hian an dampui kher lo. A to chi Peg interferon hian 70-80% a ti dam a, a tlawm chi Plain interferon hian 50-60% a ti dam a ni. Na nei tawh leh thin sawng (Cirrhosis) leh a hrik pai hnenah te a dam har a ni.

ENKAWL MAN

          Plain Interferon - Rs 50,000/- vel thla ruk tan

          Pegylated Interferon - Rs 3,50,000/- vel thla ruk tan.

          Interferon hi hepatitis B leh C tan a hman theih a ni. Pegylated khi a chak tha zawk a ni. Hepatitis B enkawlna mum chi hrang hrang te hi thla khat tan Rs 600 atanga Rs 6000 te an ni a, kum 2 emaw a aia tam te pek thin an ni.

TAI NATNA ATANA DAMDAWI HMANTE

(Drugs Associated with Hemorrhoids)

- Dr. C Lalrampana

          Thih nghal phutna ni em si lova natna chimawm tak leh tawrhhlelhawm tak chu Taina/Pile nâ hi a ni.

          Tainâ hi chi 2 -a then theih a ni a, Tai chhung lam êkna dâwt panga thisen zam sinte tê a chah leh hliam avanga Taina a awm a, a pawn hmawr lama nâ a awm bawk. Chungte chu medical term-in, "Internal hemorrhoidal pain & External hemorrhoidal pain'' tia sawi a ni tlangpui thin.

          A nat chhan leh nat dante leh a awmzia sawi chiam lovin a damdawi hman tlangpui generic name nen tarlang ila. I ngeih zawng âwm a awm chuan lo inhai ven tum ang che. Emaw Doctor in a chawh che atangin uluk takin finfiah tum thin ang che. Damdawi reng reng hi generic name thuhmun reng pawh a siamtu ram leh company brand a zirin a hming (drug name) hrang hrang vuah anih avangin a thawhdan inang reng pawh a hming danglam avangin a eitu ngaihdan a inang lo thei hle a, chutih rualin a siamtu company-te siam dan ingredient avangin a that hleih thei a, a eitu ngeih zawng pawh a inang vek lo bawk. Chuvangin, Doctor rawn lova mi thatpui ang pâwng ei ve ringawt chînte hi thil tha lo tak leh hlauhawm tak a ni thei. Mihring thisen blood group a inang vek lo ang bawkin natna inang reng tuartu pawh an taksa chak dan leh hriselna a inan loh thin avangin Doctor in a finfiah hmasak phawt hnuah a damdawi chawh ang chauh ei thin ang che. Tin, Zirirtirtu zingah leh Sorkar hnathawk zingah inthlahdah deuh leh taima taka mahni hna thawk thin an awm ang bawkin, Doctor (Physician) te zingah pawh uluk vak lova damlote en puat puat leh damdawi chawh fimkhur tawk lo an awm ve thin nia a lan avangin i Doctor râwn turah fimkhur ang che.

          Engpawhnise, heng a hnuaia tai damdawi chihrang hrangte hi uluk takin en la, i ei mêk zingah a tel em tih finfiah la, i ngeih zawng tur âwm Doctor hmangin finfiah tum la, i tan a hlawk mial mahna.

HETIANGIN :

1. Ane Cream :- Generic name : lidocaine class : Topical anesthetics.

2. Ane Cream with Tegaderm :- generic name : lidocaine class : topical anesthetics.

3. Anestacon :- generic name : lidocaine class : topical anesthetics.

4. Bactine :- generic name : lidocaine class : topical anesthetics.

5. LidaMantle :- generic name : lidocaine class : topical anesthetics.

6. Lidocream :- generic name : lidocaine class : topical anesthetics.

7. Lidoderm generic name : lidocaine class : topical anesthetics.

8. Lidosense 5 generic name : lidocaine class : topical anesthetics.

9. LMX 4 generic name : lidocaine class : topical anesthetics.

10. LMX 4 with Tegaderm generic name : lidocaine class : topical anesthetics.

11. LMX 5 generic name : lidocaine class : topical anesthetics.

12. LTA III generic name : lidocaine class : topical anesthetics.

13. LTA Pediatric Kit generic name : lidocaine class : topical anesthetics

14. LTA Preattached 360 K generic name : lidocaine class : topical anesthetics.

15. Medi-Quik Spray generic name : lidocaine class : topical anesthetics.

16. RectiCare (More...) generic name : lidocaine class : topical anesthetics.

17. Senatec generic name : lidocaine class : topical anesthetics

18. Topicaine generic name : lidocaine class : topical anesthetics.

19. Uro-Jet generic name : lidocaine class : topical anesthetics.

20. Xylocaine Jelly generic name : lidocaine class : topical anesthetics.

          Hêng bak pawh hi taina damdawi chi hrang tam tak ala awm a, tarlan sen a ni lo. A pawimawh ber zawk chu, eng damdawi pawh ei la Doctor chawh ang thlap thlap -a a hun tak zela ei thin leh ei zat tur course ang thlapa ei hi dam hmâ na a ni tih hriain damdawi ei thin ang che.

SENIOR : CHAWNG KHUM DAN TLANG HUAT LOH

NULA SENIOR

1. Nangmah hnaiha beiseitu che apiangin an fiam mai mai che emaw i tiha i nuih liampui mai mai hunah leh, uluk taka rawn kawmtu che apiang 'thianpa' ena i en zel anih chuan.... I senior tan tihna a ni.

2. I unaute fa zingah duat bik riau i neiha khawi lo i chhuah nikhua pawha i pheikhawk sang tur aia naupang lawm i zawn hmasak tawh chinah ngat phei chuan nula senior stage -2 i chuangkai tawh tihna a ni.

3. I intifing tan a, i ngaihdan reng reng sawh sawn harsa i ti a, chhungkaw pawisa lut leh chhuak turah i hriatpuina tel lova thutlukna siam ngamlo khawpa i chhungkuate'n an zah che anih ngat phei chuan, kum 40 i hlat tawh lo hle tihna a ni thei.

4. I zung hîng hle a, tlem te tein i zung a, i phunchiar tanin, midangte na deuh taka khak fak fak i ching tawh anih phei chuan, kum 40 i pel tan dawn tihna a ni thei.

5. Zan lamah in veng chhunga i len duhna hmun apiangah kalpui nei lova i chhuah ngama zing lamah i duh chen chen i mut pawha sawiseltu che an awm loha mipa tleirawl lam deuh hlir * i neih chinah ngat chuan, nula chal tak, intifing deuh, mahni thu duh si, fel si, kawm hahthlak si ilo ni ang a, 'ka thiante' i tih apiang khan an û en vek tawh ang che a, PHE tuisem atanga Bazar sa sat thlengin, i awm mai mai pawh kha an zah riau tawh ang che.

6. Hetiang stage i thlen chinah ngat hi chuan Thla eng tih vel mai mai hi chu, i thengthawngah a thawk pha tawh dawn lo. Men rei i tum zan berah zantir atanga tui deuha mut chang i nei ang a, mut hma i tum zanah i muhil hleithei lo fo bawk ang. He dinhmun hi i dai mek anih chuan, ilo chal ve hle tawh tih inhria ang che.

NULA SENIOR CHU

1. An duhnaah chuan an fel lutuk.

2. An huat zawngah mi hmaizah an nei lo.

3. An senior-puite nen tleirawl rel an hrât.

4. Mi inngaizawng an hre thei.

5. Kohhran leh NGO velah an inhmang duh.

6. Hmai hnawih eng ilo chhuak thar an hre thei.

7. Zing an tho har thei.

8. An mote an mil lo tlangpui.

9. Nutate fa an duat duh.

10. Puanthui an thiam tlangpui.

11. In chhungah an phunchiar a. Khawlaiah an nui peih.

12. Khawhar inah mutthluk an hrât.
Mi mo thian atan siam nuam an ti.

13. Rihdil leh Silchar an kal tawh tlangpui.

          A tlangpui in NULA SENIOR an khirh tulh tulh.

NULA SENIOR HLA

A dam chhûng a rei;
          A nulat hun a sei.

Hmânah duhtu a tawng;
          Tunah duhtu a zawng.

A sakhmel a buar;
          A vun pawh a chuar.

Hmânah Vala'n a chhai;
          Tunah Vala'n a chhaih.

Nihliap dum a hâwl;
          Chhungkaw sum a kawl.

Hmânah an rûn an bêl;
          Tunah an rûn an pêl.

A kimtlâng mawi a chuai;
          A nunkhua pawh a nguai.

Hmânah a tawng fo sih dêt;
          Tunah a mamawh fo sih dêt.

Hmânah a tawng hêltu;
          Tuna a tawn chu sêltu.

NULA SENIOR NIH HREAWMNATE

1. A engamah hmain "Pasal nei tawh rawh" min ti thlazen ringawt a(h).

2. Nuta kan neih phei chuan mo neih a, duat kan chak ruk em em lai leh nuta te nupui tur kan melhruk sak laiin a bialnute lamin min rawn huphurh nghal ringawt a(h). Kan lo duat dawn tehreng nen.

3. Nu leh pa tar tawh lam neih phei chuan eizawnna, sum vawnfel kan kutah a innghat a, nu leh paten min lo ringtawk tawh a, kan kutah engkim an dah ngam a. A engamah hmain, "A thu si, a Lal si" tiin min han huphurh nghal ringawt a. Kan thu ang chu, in leh lo enkawltu, nu leh pate pawn an rin zawh, mawhphurhna an nghah ngamna kan ni tlat alawm.

4. Pasal te pawh han ngaihtuah dawn ila, mahni in lamin min pawt na tung si, chuta karah a mipa lam chhungten min lo huphurh sa nghal run phei chuan... Fa lu hloh a ni tawh mai.

NULA SENIOR AWMNA AH NGAT MO RU

1. Nu leh pa aia pawha an thu zawk phei chuan i vannei dawn lutuk.

2. I fate zawng zawng a duatsak vek mai ang che.

3. An mamawh engkim a ngaihtuahsak vek mai ang.

4. Nu leh pa enkawltu, chhungkaw enkawltu an ni miau a, nu leh pa an kalsan hreh avanga senior te pawh an lo ni thei a...

NULA FING TAWH THUKHAWCHANG

Kan tleirawl laiin val û ten min chhai a;
          Kan len rei hnuah tleirawlin min chhai thung!

Pasal neih kan châk laiin chhungte leh Khawtlangin hun an la ti lova;
          Kan peih tawh loh lamah min nawr liam phet an tum leh si!

Kan ât laiin mo atan min it sup sup a;
          Kan fin tawh hnuah erawh min huphurh leh si!

Kan zahzum laiin tlangvalin min um a;
          Kan zah loh hnuah min tlanchhiatsan leh si!

Khawlai kan thlakhlelh lai khan chhungten in-ah min khungbet a;
          Inchhung kan thlakhlelh hnuah min chhuahtir phet an tum leh si!

Chhung ten kan inlengte mut san se kan tih em em lai khan tullo puiah an meng ve tlat a;
          Tunah inlengte mut san ila, kawm zawk se kan duh hunah min mut san phet an tum leh lawi si!

VAL SENIOR CHU

1. Khawmpui neuh neuh kal an peih hle.

2. Lukhum hmathlâwk khum an uar; an chalfilh thup nan.

3. Tawng sual changin kan tlangval lai chuan tih an hrat.

4. An phone ah zanlai thlifim a tam duh phian.

5 "Ka pu" tih an lawm viau lova, "Tlangval" tih an lawm chiah lo bawk.

6. Committee peng hrang hrangah a thu lo pawl, inti pawimawh pawl an ni duh.

7. Sunday School an kai kim duh phian.

8. Sawrkar hnathawk nula an hmelhriat thei.

9. Rulling Party Unit hruaitu nih an khel duh.

10. VDP ah khawtlang tan tiin an inhmang nasa a. Tleirawl te huat an hlawh.

11. Kuhva leh Cigarette mi dil an hrat a. Lighter eng thei an lawm.

12. Sumdawnna lamah enge maw ti chhung an lo kal ve tawh bawk.

13. Mi pian kum ah an buai em em.

14. Farnu te fa an duat duh a. Farnu te pawisa dil an hrat.

15. Puipunna eng ilo velah fatu nih nuam an ti.

          A tlangpuiin TLANGVAL SENIOR an ho tulh tulh.

NUTHLAWI CHU

1. Kekawr tight lam pang hak an uar.

2. Sam tihkir leh mithmul pawh an uar.

3. Thingpui dawrah an thawk duh.

4. Sumo Driver Phone no an nei thei.

5. Kuhva hring zawrh an uar hle.

6. Tu emaw bulah an kum an zêp thin.

7. Harhna an chanin mi aiin an tul nasa thei bik.

8. Nuta te nupui rel an hrat.

9. Biakin ah hla hril an chuh tlat duh bik.

10. Contract an hmu thei phian.

11. A ruka in ve zeuh zeuh an hrat.

NUTHLAWI ROPUI BIKNA TE

1. Beidawn hnua par vul leh an ni a.

2. Tahna mittui hru hula nui leh an ni a.

3. Aganwadi principal trainning thlap an ni a.

4. Sumo day & night service hrep tawh an ni a.

5. Paihte leilet bawng anga hrual fip tawh an ni a.

6. Antam lak hnu chawr leh an ni a.

7. Hmangaihna kawngah pawh sapui hliam anga kawlh, thuro khawi lai ang maia nunnem an ni.

PATHLAWI CHU

1. Leather Jacket an ngaina em em.

2. Vaihlo tui zawrhna an hre thei.

3. Thimhlim dawrkawn titi an thiam.

4. An lu a buk a. Luphut an ngah hmel.

5. Mi inkhawm kal lai lam hawia Ha nawh an ching.

6. Mi zu ruk sak an hrat.

7. Mi lirthei khalh hawh sak an ching.

8. An in la mistiri em em.

9. Thiante nupui tlan ko ah an tha.

10. Radio News an ngaipawimawh em em.

11. Ruihin unaupa te nupui rel an ching.

12. Thawh fuh thut tûka zin thei reng an ni.

PATHLAWI FAKNA

1. Nupuite an duat em em a, tlangvalte angin nupuite kutthlak an ching ve lo.

2. Nupuite tan an inpe zo em em a, an duh zawng apiang an tihsak thin.

3. Eirawngbawl leh insuk an hreh lova, a tul chuan chhuat an nawt mai thin.

4. Hmeichhe hlutna an hre em em a, an hmusit ve ngai lo.

5. An zei em em a, engkimah nachang an hre em em mai a ni.

6. Nupuite tihmangan leh lungngaih hreawm taka siam hi an thil hreh ber a ni.

7. An nupuiten thil tisual palh pawh nise, hau mai lovin an zirtir zawk thin.

8. An nupuite duh zawng apiang chu, harsa deuh pawh nise an tihsak hram hram thin.

9. Hmeichhiate duhthusam chu PATHLAWI -ah hian a kim vek e.

          (Thu tak khûka khûk pui chi a ni lem lo).

              
               HLAWNCHHING

CHHUNGKUA DIN TURTE TAN

          CHHUNGKUA I DIN DAWN IN

Hêngte hi hre reng ang che

1. Nawmsip bâwlna a ni lo.

2. I mawhphurhna i hre ngei ngei tur a ni.

3. Chhûngkaw din fuh loh tluka thiah
harsa a awm tawh lo.

4. Hmel mawina leh hausakna hian
hlimna tluantling min pe lo; Inhriatthiam tawnna hi a pawimawh ber fo.

5. Chhûng Inkhawm tluka 'Camping'
pawimawh a awm lo.

6. Pathian malsâwmna fanaute hi
Lalpa laka kan ro chan an ni a, Lalpa
hnenah kan hlân thin tur a ni.

7. I chhûngkaw zahawm nan i mawhphurhna i hlen chhuak hrâm hrâm tur a ni.

8. I nupui/pasal lakah thurûk i ngah
viau chuan chhûngkaw kehdarh i
hmabâk thuai ang.

9. Mahni inchhûngkhur aia hmun
nuam tihna i nei tur a ni lo.

10. Kristian chhûngkua din i tum ngei tur a ni.

NULA PASAL NEI TUR LEH PASAL NEI LAI MEKTE TAN

1. Pasal neih i ngam a nih chuan hreawm tawrh inhuam ang che.

2. I pasal chhûngte hrawn an khirha an fel vak loh pawn tuar hrâm hrâm la, i lungawi lohna i chhûngte hnenah thlen ching suh; Buaina a pun lun mai mai, harsatna tâwk lovin chhûngkua a din theih loh.

3. I pasal chhûngte i vawn tlat chuan rei tak i chungah an sual thei lo.

4. I pasal hnenah a nazawngin vui ching suh.

5. I pasal leh a chhûngte inzawmna tinghettu nih tum tlat ang che.

6. A nazawngin mahni In lamah kal reng suh, mi ta i ni tawh.

7. I pasal chhûngte lo tha vak lo mahse, thatna in hneh tum tlat ang che.

8. Ho tê têah tlan reng suh, sawi ngai lovin i dik bik loh zia i tarlang mai mai a ni.

THATNAIN, SUAL chu hneh tum tlat la; Tichuan, chhûngkaw hlim tak in din ngei ang.

                   

               HLAWNCHHING

MOBILE PHONE TIPS

SIM CARD TIPS

AIRTEL

Main Balance - *123#

Sms pack - *123*4#

Internet pack 2G - *123*10#

Internet pack 3G - *123*11#

Internet settings - sms 'FUN' or 'MO' to 54321

UNSUB (VAS) - 'STOP' 121

SIM No. enna - *282#

Balance transfer na - *141*1#

Loan pukna - *141*10#

Internet loan pukna - *141*567#

Balance atanga Internet pack activate na - *567#,

Sms pack activate na - *444#

PUK - sms PUK (Space) i no. To 9862341400

Message centre No.- 919862029007

RELIANCE

Main Balance - *367#

Minute - *367*2#

Sms pack - *123#, *321#

Internet pack - Sms 'MBAL' to 55333

Internet settings - Sms 'ALL' to 55100

UNSUB (VAS) - 'STOP' to 155223

SIM No. enna - *1#

Balance Transfer na - Dial*367*3#

Loan pukna - Sms 'YCR' to 51234

Balance atanga sms pack activate na - Dial 151515

PUK - 00000000 (Hman theih vek) or call198

Message centre no. - 919863002222

AIRCEL

Main Balance - *125# OR *128#

Internet pack - *129#

Internet settings - sms 'PI' or 'ALL' to 121

UNSUB (VAS) - 'STOP' to 155223 or 'START O' to 1909

SIM No. enna - *234*4#

Balance transfer na - Dial*122*666#

Blance atanga Internet bail activate na - *122#

LOAN Pukna - *414#

PUK - PUK (space) i no. To 121
pin no. 12345

Message Centre No - 919854099060

BSNL

Main Balance - *123# or *112#

Sms Pack - *123*2#

Internet pack - *123*10#

Internet Settings - Sms 'LIVE' to 58355

UNSUB (VAS) - Dial *456*00#

SIM No.enna - *222#

Balance Transfer na - Sms
GIFT(space) I no. pekna tur (Space) Amount to 53733

LOAN pukna - Sms 'CREDIT' to 53738

PUK - Sms PUK (Space) 19 digit no.i sim card hnung ami kha to 53733

Message centre no - *949434099997

VODAFONE

Main Balance - *141# & (*111*2# ah hian balance leh mahni number nen a lang)

Sms Pack - *142#

Internet pack - *111*6*2#

Internet settings - Sms 'VL' or 'VMC' to 52586

UNSUB (VAS) - Dial *321#
or Sms 'STOP' to 321

SIM No. enna - *111*2#

Balance Transfer na - Dial *131* amount* i thawnna tur No.

LOAN pukna - Sms 'CREDIT' to 144

Balance atang a Sms / Internet pack activate na - *444# or *111#

PUK - 111 call la cuan a rawn chhan dan ang che khan i hmet zel dawn nia 6# - 2#- i no.

Message centre No. - 919774099990

IDEA

Main Balance - *212#

Sms pack - *161*1#

Internet pack - *125#

Internet settings - sms'SET' to 54671

UNSUB (VAS) - sms 'STOP' to 155223

SIM No.enna - *111*2#

Balance transfer na - *567*i no. pek tur (space) Amount

LOAN Pukna - Dial 53555

Balance atanga Internet pack activate na - *888*5 or 13 or 47 or 98

Balance atanga Sms pack activate na - *123*10# or *123*9#

PUK - Sms PUK (space) 18digit no. (I sim card hnung ami kha) to 50505

PHONE THENKHAT RESTORE / DEFAULT CODE TE

1. Nokia - 12345

2. Micromax - 1234 or 0000

3. Spice - 1122

4. Karbon - 1234, 12345 or 0000

5. Xolo - 0000, 00000, 12345, 1234, 6666, 66666, 1111, 1100, 11111, 4321

6. Samsung - 00000000 or 0000

7. Gionee - 1122

8. Sony - 0000 or 1234

9. Iphone - 0000

10. Htc - 1122 or 1234

11. BlackBerry - 1234

12. Celcon - 123456, 000000

13. Lava - 4321

14. Panasonic: 1234

15. Lenovo - 0000 or 1234

16. Philips - 12345

17. Maxx: 0000

18. LG - 12345 or 0000

19. Motorola - 0000 or 1234

20. Intex - 4470, 1234

21. Fly - 0000, 12345

MOBILE PHONE ADVERTISEMENT CALL LEH MESSAGE TIH TAWP DAN

          Company hrang hrangin SIM Card tina call hi advertisement tha tak a ni tih an hriat avangin company call kan dawng fova, buai laia alo rik phei chuan a ninawm duh khawp mai. Chumai ala nilo cheu, call mai duh tawk lo hian a SMS leh flash message ang zâwng te pawhin tan an la nasa hle a ni.

          Click sual palh a hlauhawm thei khawp mai. Chutiang buaina laka i harsatna sukiang tur chuan he post hian a puih ngei che ka beisei.

DO NOT DISTURB SERVICE

          Heng customer te harsatna hrethiam hian, central lam atangin "Do not disturb service" siam a ni a, advertisement call leh message dawng duh lo tan chuan START DND tih hi 1909- ah sms hmanga thawn mai tur a ni.

          I thawn hnu lawkah feedback i dawng ang a, a dang chu i hrethiam vek mai ang.

          Anih loh pawn START O tih hi 1909- ah tho thawnin advertisement zawng zawng a block nghal thei ang, option dang rawn kal tawh lovin.

          Mahse, kan hriat tel tur chu processing period hian ni 7 - 30 lai a awm thei tih hi. Vanneih erawh chuan ni hnih khat leka activate chang pawh a awm tho.

          Tin, India rama customer tam zawkin he service hi activate kan tum hlawm avangin a tlang theih loh chang a tam hle tih hriat bawk tur a ni.

Source - (ZANLAI AU AW)

ANDROID PHONE PATTERN LOCK THEIHNGHILH PALH PHELH DAN

          I Android phone pattern lock i theihnghilh palh emaw, i thiante'n vawi tam tak an lo risk avanga phone in-locked ta tlat kha hetiang hian lo ti chhin ang che :-

1. I Phone switch-off la, a in-switch off ngei a ni tih hriat nan 2.secs vel nghak ang che.

2. Tichuan, heng a hnuai ami te hi a rualin i hmet kawp vek ang :-

a) Volume up key

b) Home key

c) Power button

          I Phone a in -boot thlengin i nghak ang. (I phone ah Home button a awmlo anih chuan Volume Up key leh Power button kha a rual bawkin i hmet ang).

3. Chumi hnu ah DOS screen alo lang ang a, options hrang hrang alo pe ang che.

4. Volume key kha chhuk leh chhoh nan i hmang ang a, "Restore Factory Defaults" emaw "Delete all User Data" emaw ah khan i kal ang. (Hei pawh hi kan phone hman azirin a danglam thei bawk).

5. A chunga settings kan sawi lan tak anga i tih zawh ah "Reboot system Now" tih kha i click anga, i Phone a in-reboot ang.

          Pattern locked a inphelh ang a, i zo der.

Note :- Thil pakhat kan hriat reng tur erawh chu, he method kan apply hian, kan Software installed zawng zawng leh data pawimawh te kha a bo vek dawn a, back-up i siam hmasak a ngai ang).

GOOGLE ACCOUNT HMANGA PATTERN LOCK PHELH DAN

1. Vawi tam tak, pattern locked i theihnghilh vang emaw, thian thenkhat ten an lo risk vak vang emawa phelh i tum a, vawi 5 aia tam i try hnu pawh la a in-unlock mai lo a nih chuan message alo kal ang a, "next" tih emaw "try again" tiin emaw alo pop out ang.

2. "Next" tih kha i click ang a, Pattern locked hawnna turin options pahnih a rawn pe ang che .Pakhat chu Security questions chhân dik a ni ang a, pakhat zawk chu i google account detailments a rawn zawhna che a ni ang.

3. A tlangpui thuin, mi hian Security questions hi an set duhlo tlangpui a, amaherawhchu, i chhân dik chuan pattern locked phelhna awlsam tak a ni thung.

4. A nih loh vek leh i google account Username leh password ziah luhna turin "sign in" alo awm ang.

5. I sign in hlawhtling thei anih chuan Pattern lock thar siam turin a rawn command ang che a, pattern lock thar i siam ang a, a dik a ni leh mai.

MOBILE PHONE HMANGTUTE TANA HRIAT TUR PAWIMAWHTE

1. Mobile phone hi taksa hlat thei ang bera ken/hman thin tur

2. Lu hnaih lo thei ang bera handset hman tur. Earphone (wired/bluetooth) hman tam tur.

3. Mobile phone hi i lu nen insiktir/indehtir tam loh tur. Radio Frequency (RF) energy nasa tak avangin lu hnaih lutuk hian Radio frequency energy nasa tak a la lut thei.

4. Mobile call hun chhung (Call time) tih rei loh.

5. Voice Call aiahText Message a tam thei ang bera hman.

6. Loud speaker mode a daha inbiak hram a tha; taksa leh lu lam handset nen a inhlat nan.

7. Radio signal a chak loh hian mobile-ah a transmission power a pung a ni. Signal tha zawng hram la, chutiang hunah chauh hmang bawk ang che.

8. Tarmit thir hmanruaa siam bun lai leh sam huh laiin mobile phone hman loh tur, a chhan chu thir (metal) leh tui hi Radiowaves kaltlang theihna tha lutuk an ni.

9. 'Call in connect' lai tak hi power tam tak inpekchhuah lai anih avangin call in connect (Call pick) fel hnuah chauh bengah ngaihthlaka inbiak tan chauh thin tur a ni.

10. Mobile phone aiah hman tur i neih chuan Landline (wired) hmang tam zawk ang che.

11. I phone nun laiin, i âwm ah leh kekawr ipteah keng lo la. Mobile phone nungah hian minute tin power sang tak network zawngin a kalchhuak reng a ni.

12. Naupangte mobile hman tam tir lo hram ang che, radiation hlauhawm thei tak laka hriselna alo him nan.

13. Taksaa medical implant neite chuan 15cms a hlaah cell phone dah ngei ngei thin tur a ni.

(Source - Social Work Mizoram)

LAW (DAN)

FACEBOOK FAKE ACCOUNT NEI TANA HRIAT TUR

          India Penal Code (IPC) chuan section 469 ah, miin profile lem midang hminga a siama, a siamsak te tana hming chhiatna emaw zahawmna tibawrhbang zawnga fake account siam sak anih chuan thil sual ti a ni a, kum 3 leh pawisa chawia hrem theih a ni. Sec.499 ah chuan profile lem siam a, midang tih mualpho nana siam leh hman anih chuan hrem theih a ni bawk.

          Information Technology Act a, Sec.66 ah chuan tupawh fake account siam a, mi data rukchhuah nan emaw virus thehdarh nana hman anih chuan kum 3 lungin tan leh cheng nuai nga chawia hrem theih a ni. Sec.66C ah chuan mi a nihna (identity) dik tak leh thlalak dik tak hmanga, fake account midangin a siam chuan kum 3 lungin tan leh cheng nuai khat chawi tira hrem theih a ni. Sec (66D) Midang hminga fake account siamtu chuan tupawh a bum/tihder chuan kum 3 lungin tan leh pawisa chawitira hrem theih a ni. Sec.(67A) Fake account lem siamtu chuan zahmawh rawngkai lanna thlalak emaw thu emaw a thehdarh chuan kum 5 lungin tan leh cheng nuai 10 chawitir theih an ni.

SPAM LINK

SPAM LINK CHUNGCHANGA HRIAT TUR PAWIMAWH

          Tunlai hian Spam Link alo chhuak thar nasa leh hle mai a. Tuin emaw a click-a a luh chuan a awmna group zawng zawngah sex video ang chi te a post angin a darh nghal a. Tin, thenkhat chu an account a chhiat phah bawk a ni. Chutiang spam link, sex video niawm tak ho laka him dan an ziak ka rawn chhawp chhuak a, hmang tangkai hlawm ila a tha ang e.

SPAM LINK LAKA HIM DAN

          Facebook atanga Thlalak tawp tak tak, i thian ten emaw Group member ten i wall ah te, Group ah te an post anih chuan i hriat tur chu :-

Link a vawikhat i click khan engmah pawi ala awm lo.

Link a i luh chiah khan i account chu Log out ang in alo awm thin ang. Khatiang kha PHISING an tih chu a ni a, Mi password inruk sakna hmanraw lar leh awlsam ber a ni. I hriat tur chu kha External link a i click a page lo lang kha, Facebook a ni tawh lova, website dang, facebook ang chiaha siam, Logout anga lan tir chea bum nan che a siam a ni. Chumi awmzia chu Link i click a Logout anga a awm khan ala in log out reng reng lova, an bumna tur che thang chauh ala ni.

A pawi ta ber zawka chu, Logout emaw i intih a i email / Phon no. leh Password i Type a Login leh kher i tum ta kha a ni.

Log out emaw intih a log in leh i tum khan i email leh Password te chu kha Phising site siamtu te hnenah khan i va hrilh tihna a ni. Tichuan an duh hun hunah i account ah an lo lut a, duh duh an lo post kual ta a. " Ka tih pawh a ni lo" i tih a ngai leh tho.

IN VEN DAN

1. Vanduaithlak taka i kuthlei in emaw, i phone dik loh vang emawa khatiang link a ilo click hlauh anih chuan: Logout ta daih emaw inti tawh lovin, BACK leh la a dik vek a ni mai. Facebook Home a i luh leh hma chu Back la, chuan refresh la, ila log out lo tih i hria ang.

2. I password leh email ilo submit zauh hman anih chuan: I account kha diklo in midang lo lut nghal lo mahse, a rang a rangin Password thlak nghal rawh.

SBI QUICK

SMS HMANGA SBI ACCOUNT BALANCE CHECK DAN

1. IN REGISTER PHAWT TUR

REG KAR AWL ACCOUNT NUMBER tih hi SMS-in 09223488888-ah thawn tur.

Sms-in a in-resister leh register loh a lo thleng ang. Phone number hi Account-a i phone number dah ngei kha a ni tur a ni.

(Kar awl hi space tihna. E.g. REG 11484200000)

2. IN-REGISTER DUH LEH LO TAN

DREG KAR AWL ACCOUNT NUMBER tih hi SMS-in 09223488888-ah thawn leh mai tur.
(E.g. DREG 11484200000)

3. ACCOUNT BALANCE HRE DUH TAN

Hetah hian "missed call" tur - 09223766666

BAL tih hi SMS-in 09223766666-ah thawn tur.

I duh zawk zawk a ni mai. Sms-in balance a lo thleng mai ang.

4. MINI STATEMENT (PAWISA CHE HNUHNUNG 5 CHIN) HRE DUH TAN

Hetah hian "missed call" tur - 09223866666

MSTMT tih hi SMS-in 09223866666-ah thawn tur.

I duh zawk zawk a ni mai. Sms-in balance a lo thleng mai ang.

BANK ACCOUNT BALANCE CHECK-NA AWLSAM

          Bank zawng zawng te hian awlsam taka balance hriat theih dan tur kawng an hawng e. Heng a hnuaia numberte hi miss call la, i account a balance te i hre thei ang. ATM hman buai kher ngai lovin i mobile number bank a i register hmang khan i balance i chek thei ta e.

1. Axis Bank - 092258922582

2. Andhra Bank - 092230113003

3. Allahabad Bank - 092241501504

4. Bank of Baroda - 092230113115

5. Bhartiya Mahila Bank - 092124388886

6. Dhanlaxmi Bank - 080677477007

7. IDBI Bank - 092129933998

8. Kotak Mahindra Bank - 180027401109

9. Syndicate Bank - 0966455225510

10. Punjab Bank - 1800180222211

11. ICICI Bank - 0223025676712

12. HDFC Bank - 1800270333313

13. Bank of India - 0223359854814

14. Canara Bank - 0928929289215

15. Central Bank of India - 0922225000016

16. Karnataka Bank - 1800425144517

17. Indian Bank - 0928959289518

18. State Bank of India - Get the balance via IVR1800112211 and 1800425380019

19. Union Bank of India - 0922300929220

20. UCO Bank - 0927879278721

21. Vijaya Bank - 1800266555522

22. Yes Bank - 0984090900023

23. South Indian Bank - 092 23 008488

SBI ATM CARD HMANG PIN (SECRET CODE) THEIHNGHILH TE TANA ATM PIN THAR GENERATE DAN

ATM PIN GENERATION AT ATM BOOTH

1. Customer to click on "Pin Generation" Option. ie (services)

2. Enter Account Number

3. Enter Mobile Number

4. Confirm

5. One time Pin (OTP) will be sent to registered Mobile Number

6. OTP must be used to change Pin on SBI ATM BOOTH within 24 hours.

PIN GENERATION THROUGH SMS

1. SMS to 567676 in as format given > PIN XXXX YYYY XXXX is the last four digits of ATM Card Number YYYY is the last four digits of Account Number.

2. OTP will be sent to registered Mobile

3. OTP must be used to change Pin on SBI ATM BOOTH within 24 hours.

          

               
               HLAWNCHHING