THU DIK LEH RIL (PART-I)
"AIIN" (PART-I)
HC Lalramdina
Taksa hliam aiin thinlung hliam a dam har zâwk.
Hremna aiin ngaihdamna hian nun a siamțha thei zâwk.
Phuba lâk nân tûn aiin nakin nghah rih a țha zâwk; Kan rilrû kan thlâk thei si a.
Nungchang siam nân erawh nakin aiin tûn hi a țha zâwk; Kan damchhûng nite hi a tâwp thut thei si a.
Ngilneihna hian țawngkam thiamna aiin mi a siamțha zâwk țhîn.
A tlachawp rin aiin inhmâkhua hian khawsak a tiawlsam zâwk.
Thleng hla tûrin tlân chak aiin kal rei a pawimawh zâwk.
Țawngkam țha aiin nungchangin mi a hneh thei zâwk.
Hna aiin a thawktu hi an pawimawh hmasa zâwk.
Thu țha deuh sawitu nih aiin thu țha deuhin a ei ral theih nih hi a hlu zâwk.
HLAWNCHHING
No comments:
Post a Comment