KAN NGHAH 'WORLD CUP' CHU A LO THLENG LEH TA!

KAN NGHAH 'WORLD CUP' CHU A LO THLENG LEH TA! (Lung tilêng)

                                                 HC Lalamdina

          Khai le, khawvêl mipuite nghahhlelh êm êm leh en châk ber pawl 'The Greatest Show on Earth' an tih hial, FIFA WORLD CUP chu kan lo thleng ta reng mai!

     

          Kumin 2018 World Cup hi Russia ramin an thleng a. He Football hmanga inelnaah hian, a tel thei tûra tling (Qualified) ram hrang hrang 32 ten chak ber (Champion) nih tumin theihtâwp chhuahin an theihna zawng zawng an ram tân an hlân dâwn a ni. Kuminah hian tute ram tak Champion ang maw? Argentina ram hi ka țan ber țhîn a, kuminah hian Champion thei tak ang maw???

          Khâng hunlai, 1994 bâwr chho vêlah te kha chuan, TV kutphah bawk tiat vêl leka lian, black & white ah lehnghâl, mi inah inthlahrung dêkin, a neitute ina leng lo khawpin kan en țhîn kha a nia!

          Tlai ațangin a țhat leh țhat loh buaipuiin kan phî a. Rawțhing mau tlâwn sei tak maiah Antenna kan han vuah a. Bangla Channel zawngin kan han herh kual a, kan buai țhîn ziate kha... Khâng hunte kha a lo va ngaihawm țhîn em!

          Tûnah chuan mahni in lumah, mahni TV, lian leh fiah țha tak, colour ngei maiah chhûngkaw bilin (Chu pawh kan la kim lo zui) kan en ve thei ta! Hmasâwnna leh changkânna țha tak ni mahse, World Cup hlutna a bo zo ta duak mai hian ka hria!

          Khâng hun laite kha lung tilêng mai an chang zo tawh si!

                         HLAWNCHHING