MESSI, A PAWI MANG E!

MESSI, A PAWI MANG E! (Heart touching)

                                                HC Lalramdina

          2018 World Cup Russia a khelh mêkah, knockout stage ațangin Argentina chu an tla ta a, Lionel Messi duhthusâm leh ka duhthusâm chu a thâm ral leh ta! A pawi mang e, tinrêngin a pawi mang e.

          Messi hi World Cup lehah chuan kum 35 a upa a ni tawh dâwn a, ram tân a la khêl zêl ang em tih chu zawhna a ni ta. World Cup lehah hian a inlan a rinawm chiah tawh lova, a tân World Cup tâwp ber a nih a rinawm a, khawvêla Footballer tha ber ka tih hian World Cup a châwi dâwn ta lo niin a lang. A pawi êm mai.

          A vânduai zâwkah țangin i duhthusâmte chu thâm ral rih mahse, i ram tâna inkhelh hi chawlsan mai tum lo la, i hun a la thleng lo a ni mahnâ. World Cup lo awm leh tûr, Qatar 2022 ah kan inhmuh leh ngei ka beisei. Chutih hunah chuan Champion chung ngeiin, Hnehna Hlado i chham ve tawh ngei ang tih hi ka la beisei fan a ni.

                         HLAWNCHHING