CHÛNNU HMANGAIHNA
HC Lalramdina
He lei hringmi lêng zîngah hian
Chûn ianga hlu hi awm ang maw?
Rûn timâwitu, Zuapa mâwina
Hrailêngte zirna rûn sâng chu
Tuisik mai ka nih atanga
Mihring puitling ka nih theih nân
A thisena min châwm liantu
Chûnnu hmangaihna ropui chu
Hmangaihnaa min enkawla
Mutmu tuahlo zânmu chhîng lo
Keh thei dawma mi dawmtu chu
Kei ka chûnnu kha a ni si.
Theih se min hlan hmangaihna hi
Hlan ve che ka nuam engtiang paw'n
Mahse, ka rûl sêng chuang lâw'ng che
Hmangaihnaa thuam i ni si
Ka chûnnu min hmangaihna hi
Thua sawia fiah theih nise chuan
Ka tawngkam thiam tinrêng pawh hian
A sawifiah chhuak zo chuang lâw'ng e
(Nute Ni pualin. Ka Nu tân ka hlân e)
HLAWNCHHING
No comments:
Post a Comment