TAWNMANG MÂWLAH TAL

TAWNMANG MÂWLAH TAL (Poetry)

                                     HC Lalramdina

Ral theilo i Lemthlâ ka thlîr a
Chul theilo i sakhmêl ka thlîr châng ni hian
Lungruala kan hlimlai ka ngai a
Thlah theih loh kan nunhlui ka chhuikîr fo thin.

A liam thei lo ka ngaihna che hi
A thâmral thei si lo ka hmangaihna che
Hun leh ni leh kum tam liam mahse
Ka nghilh lâw'ng che khuarei chan thleng pawhin

Nunhlui liam hnu dâwnkîr châng ni hian
Thinlaiah nang ngaih puanang a thar leh thin
Min ngai ve ang maw tia dâwnin
Chhûnni leh zankhua ka hmangral thin a sin.

Aw khawiah tak tuan rêl thin che maw?
Ka zawng ruai thin che asin zalêng zîngah
Mahse, tawn tur rêng i awm si lo
I ngai hian chhâwlang ka uai zo ta

Chung Siar Hrângchhuana mah khian e
A di Chawngmâwii tawn châng a nei
An iangin tawn ni a her loh pawn
Tawnmang mâwlah tal chuan intawng leh ang aw.

BLANK VERSE :- Rhyme tel lova hlahril phuah ho hi 'Blank Verse' tiin an sawi thin.

                    HLAWNCHHING