DAM TAKIN AW

DAM TAKIN AW (Poetry)

                                     HC Lalramdina

Vângkhaw mâwitu an sawi tleitîri kha
Biahthu hlân e, rûnlum pui tûrin valmâwia'n
Khiangâwi lo ten laitual han mâwi rih la
Mahse, Val hmanhmawh i tân dâl a mawi si lo

Mâwina leh duhawmna tinrênga thuam
Lanu thianghlim chu khiangâwiin i liam ta maw?
Hlimten fanau maltluan châwiin lêng la
Chung Khuanu'n vênghimin hualhim zêl che rawh se.

Malsâwm, duhawmna dawng tûr, Val-duhawm
I chan that zia leh vânneihna a va thûk êm!
Hmeichhe ropui, thuhrûk nun neitu hi
Hmangaih taka kuangkuahin lo duat mawlh ang che.

Thinlung thianghlim leh hmangaihna thlum nên
I nun thuhrûk, nungchang mawi leh duhawm nên chuan
Duh taka i lâwina Rûn leh chhûngkua
I hmangaih Rûn in ngei chu malsâwmin awm se

Keipaw'n ka lênna vângkhua atang hian
Lawmpuina thu ka hlân a che, thiam tâwk têin
Ti hian ka thlah nâ'ng che, "Dam takin aw,"
Hmangaihna pârzu thlum chu hlim ten tlân nâ'ng che

(Machhani) thlah nân

                    HLAWNCHHING