ISUA KA NEI

ISUA KA NEI

                                     HC Lalramdina

Ka chênna he khawvêlah hian
"Hei hi ka ta a ni," tia han sawi tûr ka ngah lo
In leh lo nuam ka nei lova
Sum leh pai chhuan tham pawh
Silh leh fên mamawh khawp ka nei lova
Ei leh in tûr tuihnâi tak pawh
Rosum chhuan tûr ka nei lova
Khawvêl nawmsakna ro hlu nên
Thenrual thate an kiam a
Lungduhten mual min liamsan a
Innghahna tûr thil ka nei lova
Phên tûr thil pawh ka nei hek lo
Milian ka tân hriat phâk an awm lova
Kei min hretu pawh an awm hek lo
Miten he khawvêlah hlimna an chan laiin
Kei, ka tân erawh chu chu dah a ni ve si lo
Miten hmêlhriat leh thurualpui tûr an neih laiin
Kei zawng khawhar leh mal takin ka awm fo thin
Miten rualawtin min ngai mahse
An hre si lo, ka neih ro hlû
He khawvêl thilte zawng zawng aia hlu
Ro hlu, ISUA ka nei.

                    HLAWNCHHING