KRISMAS LUNGLÊN

KRISMAS LUNGLÊN (Poetry)

                                                HC Lalramdina

Kumpui sûlang a lo vei hian

Rairah rian a zual țhîn mang e

Intawng leh tûrin kan tiam kha

Sût leh tûr biahthu mai em ni?

Țâng bêl turin ka rawn pan che

Mahse, duhsâm puan ang chul zo

Ami tâwnah tleizai rêlin

Țâng dang min lo belhsan ta si

Tawn loh kâr reilo têah maw

Lung min her san? A na ngei e

Lo kir leh hian i mawi si lo

Suih loh thinlung a chat ta si

Rinawm biahthu min tiam lai khân

Ka ring phal lo lêmang min der

Lêng dâng ânka min chhâwn san si

I ânka nêm a thâmral ta

Ami lêng zawng kawplai di nên

An lêng siau ve lungrual têin

Kei zawng mahten Ârang ka vâi

Lung rualpuitu ka tawng si lo

BLANK VERSE :- Rhyme (abab etc. tel lo) tel lova hlahril phuah ho hi 'Blank Verse' tiin an sawi țhîn.

                         HLAWNCHHING